Við styðjum Mottumars

Við hjá Kúnígúnd tökum þátt í Mottumars og leggjum okkar af mörkum í baráttunni við krabbamein. Í mars renna 20% af sölu á vörum úr Loving Care-, Sweethearts- og Love 30 ára afmælislínunni frá Moomin til Mottumars. Krúsirnar fanga hlýjuna, húmorinn og ástina sem einkenna Múmíndal. Sweethearts línan sýnir skemmtilegt og elskulegt samband Múmínsnáða og Snorkstelpunnar og minnir okkur á að við erum alltaf sterkari saman. Loving Care línan dregur fram kjarnann í anda Múmínfjölskyldunnar, þar sem ást og umhyggja ná til allra. Myndskreytingin sýnir hjartnæmt ævintýri þar sem saklaus lautarferð breytist í hugrakka björgun. Svo fagnar Love línan, allra vinsælasta Moomin línan, 30 ára afmæli í ár og af því tilefni var sett í sölu tímabundin afmælislína. Virkilega falleg lína sem fangar tímalausa mýkt og hlýju Múmínsnáða og Snorkstelpunnar.

Nú er því tilvalið að kaupa þessar fallegu vörur og styðja við mikilvægt starf Krabbameinsfélagsins í leiðinni!